Նադեժդան ծնվել է Հադրությում։ Ձեռագործության շնորհը ժառանգել է ընտանիքի անդամներից. տատիկը, մայրիկն ու քույրիկը ասեղնագործող վարպետներ են։ Մասնագիտությամբ հագուստի նախագծող է, ինչն իրեն օգնում է ավելի հմուտ լինել ձեռագործության մեջ ու ուշադիր մյուսների աչքից հաճախ վրիպող մանրուքների նկատմամբ: Աշխատանքներն իրականացնում է տարբեր ուղղություններով՝ տարբեր ոճերի ասեղնագործություններ, էկո պայուսակներ, նաև աշխատում է կաշվով, «բատիկ» տեխնիկայով և այլն։ Առանձնահատուկ ուշադրություն է դարձնում գունային համադրությանը և տվյալ տեղավայրին բնորոշ առանձնահատկություններին, այդպիսով

յուրաքանչյուր ոճ միաձուլելով ընդհանուր ազգային ոճին և ներկայացնելով հոգեհարազատ արցախյան տեսակը։ Ինչպես նշեց՝ «չխելագարվելու» համար, Արցախից 2020 թվականին տեղափոխվելուց մի քանի ամիս անց վերսկսել է իր գործունեությունն ու սիրելի աշխատանքը՝ արդեն նոր միջավայրում ու նոր մարտահրավերներով։ Երազում է ապագայում վերադառնալ Հադրութ, նորից սկսել աշխատանքը ու կյանքը շարունակել նույն կետից, որտեղից ավարտվել է Հադրությում։ Միաժամանակ ուսուցանում է երեխաներին ու անչափ կարևորում է գիտելիքներն ու հմտությունները ապագա սերնդերին փոխանցելու գործը՝ վստահ լինելով, որ ձեռագործության մեջ մի ողջ պատմություն է խտացված, որը պետք է ճշգրտորեն հաղորդվի երիտասարդներին՝ ազգային ժառանգությունը օտարներին վերապահվելու իրողությունից խուսափելու համար։