Ասեղնագործ
Ստելլան ծնվել և մեծացել է Արցախում՝ Հադրութի շրջանի Այգեստան գյուղում: Մինչև 2020 թվականի չարագուշակ պատերազմը ապրել է իր հայրենքում և կյանքն ամբողջությամբ նվիրել է ստեղծագործական աշխատանքին: Սակայն նույն թվականին ստիպված լինելով տեղափոխվել Երևան՝ բախվեց մի շարք դժվարությունների: Իր խոսքերով. «Ամեն ինչ սկսվեց զրոյից, երբ չունես ոչինչ, ոչ մի հարմարանք, անգամ որևէ անձնական փաստաթուղթ, պետք է սկսել սկզբից»: Այդուհանդերձ, այս պահին արդեն զբաղվում է իր սիրելի գործով ու երազում ընդլայնել աշխատանքը Երևանում նույնպես, կատարել ավելի
բազմատեսակ ու ծավալուն գործեր ու շարունակել ստեղծել։
Այն հարցին, թե որն է իր «ձեռագրի» յուրահատկությունը՝ արցախցուն հատուկ համեստությամբ պատասխանեց, որ չի կարող նշել, թե ինչն է իր աշխատանքները առանձնացնում մյուսներից, սակայն ինքն ամեն գործին վերաբերվում է առանձնահատուկ սիրով ու սրտացավությամբ։ Ջերմությամբ
կիսվում է, որ ասեղնագործությունից զատ տիրապետում է նաև
շյուղագործությանը, որը սովորել է տատիկից՝ բոլոր նրբություններով ուգաղտնիքներով։
