Անժելա Գրգյանն արմատներով Մարաշից է:

Հայոց ցեղասպանության ավերիչ հետևանքերի պատճառով 1918թ.-ին նրա նախնիները ստիպված են եղելտեղափոխվել Հալեպ: Այնուհետև, Սիրիայի պատերազմից հետո՝ 2014թ.-իցմինչ օրս, վերջապես հաստատվել են Հայաստանում՝ նոր իրականություն և կենսակերպ ստեղծելու մեծ հույսերով: Անժելան արվեստասեր ու գեղեցիկը

գնահատող ընտանիքի զավակ է, ով գեղեցիկի մասին պատկերացումներն

արտահայտում և նյութականացնում է իր կողմից պատրաստվող տարբեր

իրերի միջոցով։ Իրերից պետք է առանձնացնել յուրօրինակ և պատկերավոր

բաժակները, որոնք նկարազարդված են հայկական նրբաճաշակ սիմվոլիզմով, գունեղ թռչնատառերով։ Անժելան նպատակ ունի իր կողմից պատկերված թռչնատառերի միջոցով տարածել սեր, թռիչք ու ջերմություն։ Բացի բաժակներից, Անժելան նաև նկարազարդում է շարֆեր և այլ գործվածքներ՝ կրկին հայկական խորհրդանշական նախշերով։ Նրա գործունեությունը սիրելի զբաղմունք լինելուց բացի նաև մասնագիտական է, քանի որ նա ուսանել է Սիրիայի գեղարվեստի համալսարանում: Անժելան նշում է, որ այսօրվա իրականության մեջ շատ հեշտ է տարբեր իրերի վրա տպագրել ցանկացած նախընտրած պատկեր, սակայն ,միևնույնն է, ձեռքով պատրաստված յուրաքանչյուր իր զգալիորեն ավելի կենդանի է, ավելի շնչող ու անկեղծ: