Ալեշա Մարին Ջորջիսի
Խոհարար
Մարալը (նրան նաև այդպես են կոչում) ծնվել և ապրել է Սիրիայի Հալեպ քաղաքում մինչև պատերազմը։ Նախնիները Արևմտյան Հայաստանի Ուրֆա գավառից էին։
2012 թվականին Սիրիայի պատերազմը ստիպեց նրանց թողնել ամեն ինչ և գալ Հայաստան։ Մարալը Հալեպում արաբերենի ուսուցչուհի էր։ Լինելով հայ, գերազանց տիրապետում է արաբերենին և դասավանդում էր արաբ երեխաներին իրենց մայրենի լեզուն։ Հայաստանում ինտեգրվելը և միևնույն ժամանակ աշխատանք գտնելը Մարալի համար ժամանակավոր դժվարություններ էին, որովհետև նա իր նախնիներից ժառանգել էր տոկալ և հաղթել։
Ինչպես բոլոր աղջիկները և տանտիկինները, Մարալն էլ մորից սովորել էր տաքդեղից մածուկ պատրաստել և պահածոյացնել տնային օգտագործման համար։ Կարճ ժամանակ անց հասկացավ, որ հատկապես Հայաստան տեղափոխված սփյուռքահայերի շրջանում մեծ պահանջարկ ունի այս մածուկը, քանի որ պատրաստվում է հատուկ բաղադրատոմսով։ Հիմա Մարալը և ամուսինը հիմնել են սեփական արտադրությունը։ Ունեն աշխատակիցներ, որոնք տեղացիներ են։
Մարալը երբեք չի հոգնում, միշտ ուղիներ է փնտրում բիզնեսը ընդլայնելու։ Նպատակ ունի ձեռք բերել ավտոկլավ, որը հնարավորություն կտա երկարաժամկետ պահածոյացնել արտադրանքը։
Մարալը իրապես հայի տեսակ է՝ խելացի, հնարամիտ և աշխատասեր։
