Սարգիս Ղոլոգասյան

Սարգիսը հաստատվել է Հայաստանում 2011 թվականին։ Դեռ մինչև Սիրիայի պատերազմը Սարգիսը սերտ կապեր է ունեցել Հայաստանում։ Հենց այստեղ էլ 2002 թվականին Սարգիսը հանդիպում է Գայանեին և ամուր ընտանիք կազմում։ Զավակները ծնվել են հայրենիքում։

Մասնագիտությամբ ավտոմեխանիկ Սարգիսին ինչ-որ մի պահի սկսում է գրավել բույրերի աշխարհը։ Էջմիածնում ստեղծում է սեփական օծանելիքի խանութը։ Սարգիսի անբաժանելի գերծընկերը Գայանեն է։ Հիմա նրանք օծանելիքի հմուտ գիտակներ են։ Գիտեն բոլոր հաճախորդների նախասիրությունները՝ ըստ տարիքի, ոճի, բնավորության։

Բացի պատրաստի օծանելիքի վաճառքից, իրենք նույնպես տարբեր եթերների համադրությամբ ստանում են նորանոր բույրեր և ներկայացնում խստապահանջ հաճախորդի դատին։

Սարգիսը ապագայի նոր ծրագրեր ունի։ Մտադիր է ստեղծել սեփական բրենդը՝ հայկական բնաշխարհի յուրատեսակ ծաղիկների բույրերով։