Դալարը ծնվել է Սիրիայի Հալեպ քաղաքում։ Հայրը ակունքներով Սասունից է, մայրը՝ Ուրֆայից։ Ցեղասպանության տարիներին հանգրվանել են Սիրիայի Աֆրին քաղաքում, որտեղ զբաղվել են մսավաճառությամբ ու նաև փուռապանությամբ։ Դալարը նախնական կրթությունը ստացել է Հալեպում, այնուհետև հմտացել է սննդի կազմակերպման ոլորտում։

2015 –ին ամուսնանում և բնակություն է հատատում Լիբանանում, որտեղ հետզհետե շիկանում էր մթնոլորտը քաղաքական և սոցիալ-տնտեսական կյանքում։ Դալարը ծնողների հետ հաստատվում է Հայաստանում։ Քիչ անց նրանց է միանում նաև ամուսինը։ Իրենց առաջնեկին՝ Հովսեփին մկրտում են Հայաստանում։ Հպարտությամբ նշում են, որ կնքահայրը հայաստանաբնակ է։

Դալարը և ամուսինը վերջնական որոշում են կայացնում ապրել և աշխատել Հայաստանում։ Նրանց որդին մանկապարտեզ է հաճախում և շատ արագ մտերմացել է տեղացի երեխաների հետ՝ չնայած լեզվական տարբերություններին։ 

Դալարը ամուսնու աջակցությամբ հիմնում է իր փոքրիկ բիզնեսը։ Զբաղվում են փուռապանությամբ։ Պատրաստում են կարկանդակներ և այլ հացաբուլկեղենի տեսակներ՝ արևելյան բաղադրատոմսերով։ Արդեն ունեն շատ հաճախորդներ, որոնց գրավում են անծանոթ, բայց գերող համերն ու բույրերը։ Դալարը Երևանում իր խոհարարական հմտությունները զարգացրել է “Խոհարարական Արվեստի և Հյուրընկալության Երեմյան Ակադեմիայում”։

Դալարը ասում է, որ երբեք չի մտածում Սիրիա կամ Լիբանան վերադառնալու մասին։ Այստեղ իր տունն է, և իր բոլոր մտածումները միայն Հայաստանում ամրանալու և  բիզնեսը զարգացնելու շուրջ են։